الخيانه2011

[ ريت صاحبي عدى لمن خلاني .... لناس تتكلم والكلام معاني
عكر جوي .... وشمت الصاحب فيى قبل عدوي .... اللي قبل ضيه من بعيد ايضوي .. بغيبته ظلم جميع اركاني ..... تباعد عني .... دار الخطا والعيب ماهو مني .. قتلني .. ظلمني ... قلبه علي متجني .. نسي عشرتي وشوقي وغلاي وحناني
ما سامحته .. لأني وحق من خلق الخلق ما وجعته .. نا غلطتي عالبعد ما طاوعته .. ليش بعد الغلا ايخليني ايريد ينساني
ماعاد نقرب منه .... نفسي عزيزة و ايخلها في ظنه ..... حرقني بناره ونا اللي اعطيته الجنة ..... اعطيته الوفا بسهام غدره رماني
سهام غدر صابن قلبي ما خطينه ..... من عزيز غالي عليا حق اخطاني
ما اتصورت جروحي اتجيني منه ..... و نا اللي قلت زهيت وبرفقته زهاني
وما كنت في يوم نتصور إنه ..... يبيع الغلا ويكون هو الجاني عزيز خان الصوب وباع اجعنه ..... ما عاد يلقاله غلا حقاني ...اتريثه كذاب عالحب يتبلى ويتجنى .. محال يعرف الحب شخص أناني .... لقيته عيل رغم كبر سنه .. نحساب ريدي راجل بصحبته هناني والرجولة لا بعمر لا شكل ويا مبعدها عنه.. الرجولة افعال واخلاق عظيمة ومعاني ... والله مايستاهل صوبي ولا دموع المحنة .. ولانه اللي يستاهل انوقف عليه زماني ....غاليته غلا فات حب الحنة .. وهو فات بقسوته قسوة اللي عاداني وين حن قلبي جيتله نتدنى ..... مشي وكيف الغريبة واقفة خلاني
وين كان بعيد كنت أقرب لروحه منه.... وين قرب غربني ونا الي عطيته اوطاني
اعطيته الفرح والراحة كيف ما يتمنى .. اعطاني هموم وحيرة وبالتعب شقاني
و لو اعطاني شي كثر عليا منه .. وهو شي امغير الخوف عمره ما عطاني
عمر عيوني الدمع ما عرفنه .. لين شفت ظلم صاحبي وبكاني
حتى العقل نيران تخميمه اكلنه .. مريضة هوى وما لقيت من داواني
قلبي انجرح ودموع عيني اعمنه .. و وكلت الله ياخذ حقي من اللي نساني
وايحط في باله عمر الي قتل ما يتهنى .. ايجيه يوم و بالمثل ينقتل ويعاني
ماعاد ننشد عليه لا اش حاله ولا كيفنه .. دام نا الي شديت فيه وهو الي رخاني
وكيف مامات الحب اللي بياسه رهنا .. حتى الدمع والجرح والياس فاني
وتمشي الدنيا و انحب و ايحبني اللي أحسن منه.. وهو ايوريني لو لقي زيي ثاني.............يارب الصـــــــــــبر
[center]