الشعر الشعبى (مازلت نا هو نا )

مازلت نا هو نا= حتى ان كنت داير صاحبه وضنا = شحات للغلا
مازلت ما غتنيت = حتى ان كاني عاقل وباني بيت
تقولّي سعيد نقولك ياريت =عايش امعيشه ما عليك ابها
قولو الناس على سماحة صيت = ونا اتقول طيب الصيت قطع الوا
تلاشى دلالي لوّلي وانسيت=اعزاز دنوهم للعقل كان دوا
مازلت نا هو نا
مازلت من وجداني = نعشق ونا عارف احدود مكاني
واخذ نصيبي م الغرام الفاني =امغير شيمتي في غيّتي الوفا
ومازلت متمسك بقو ايماني=وعارف الدنيا موش دار بقا
وحتى انكان هو الزمان موش زماني =امسايرينه وادعا ايحد ادعا
مازلت نا هو نا
رغم اتعابي = ورغم الزمان اللي مضى شبابي
مازال لي مكان بين اصحابي= نرتاح كان ساقني الهْم اخطا
ومازلت داير ليبيا محرابي = وندعي الها في كل وان صلا
ومازال رايي في الشباب ايجابي = حتى انكان فيهم تختلف لاراء
ومازال يلمع من بعيد ركابي =من يومن اركوب الخيل بامزابا
ما يهمني كان الجواد كبابي = واجدين غير يلهدوالا بعصا

طبعا الشعر طويل جدا ولكن احببت ان اكتب منه اجمل الابيات وفى المرات القادمة ساوافيكم بباقى الابيات انشاء الله