حكاية بنات ليبيا (قصة الفتاة الناعمه الغنيه والفتاه الحرشه الفقيره)

قصة الفتاة الناعمه الغنيه والفتاه الحرشه الفقيره فتات الأحياء الفقيره

>>الناعمه..طبعا وهي راقده الدبدوبي والغزولي والارنوبي كلهم راقدين
>>معاها ما شاء الله حديقة حيوانات معاها وكانا فاقت من النوم ما تنوضش
>>الا الساعه1 الظهر لا واللي يفيقها الشغاله تنوض فيها بالانجليزي
>>...بس نترجم عادي
>>....يالله مرام نوضي ماماهيا تقول اوكي وتجي امها وتنوضها مره ثانيه
>>يا مرام حبيبتي ويك أب ( يعني نوضي ) ..
>>ترد مرايم.. ماما والله مازال بكري الساعه 1 الظهر
>>بكرررررررررريييييي<<<< تدلع ..
>>
>>..أوكي ماما من عيوني
>>ناضت البنت من السرير وفتحت الستاره والرواشن ... بيش الغرفه تتنفس
>>...يااااااااااااااي..وشغلت موسيقى رومنسيه
>>علي خاطر تكون ريلاكس وتمشي تاخذ هذاك الدش المحترم وبعد ما تطلع من
>>الحمام وررررررر على المرايه تحط من هالكريمات والدعافيس على وجهها
>>.... ماهوا لازم تحافظ على البشره كملت من المرايه تتوكل للسشوار
>>وش..وش..وش.. وش لحوااااااالي ساعتين ... كملت ولبست السروال الجينز
>>والبلوزه ( هي لبست على الموضه بس
>>مانيش مقايل ) .. ونزلت تفطر على طاسه عصير برتقال ..... ياي لزوم
>>الرجيييييييييييييييييم >>
----------------------------------------

>>نجي للحرشه..تنوض الساعه 8 الصبح وهي أكيد ماتبش تنوض .. وتجي أمها
>>تنوض فيها .. يا حلومه
>> نوضي يا بنت سقدي روحك جمري وانتي هذا
>>فاش فالحه
>>ترد هي تي باهي باهي وانتي تعيطي ومعاها نفخه أوووووووووفففففففف
>>تبشبش
>>حي كانا تشوفوا شكلها وهيا راقده .. كراع هني وكراع غادي .. لا وكل
>>ثلاث ساعات وهي طايحه من السرير
>>يجي خوها ميلاد اسمه محمد بس يدلعوا فيه ميلاد
>>وينوضها مره ثانيه ياااااا حلومه قالتلك امي نوضي لنجيك سحيقه ( هذي
>>زياده من خوها )
>>ترد حلومه..تعرف كان ماتطلعش نردسك
>>ويجي خوها الكبير ... حلومه يادعوه.. ويعطيها هذاكا التيرواللي خلاها
>>توقف استعداد
>>ويقوللها خوها متاع التيروات عرفتوه والا لا ( هيا سقدي نبي فطور يكون
>>واتي بعد 10 دقايق وماتكتريش السكر في
>>القهوه وماتنسيش خبزة الشعير)
>>وناضت وخيتنا بعد جهد جهيد وعلى شتم ولعنت الحي والميت حتىىىىىىىى
>>ولدعم جد بوها ما سلم منها
>>اعزااائي القراء نعود الى الاخت الناعمه
>>..
>>هذي ما تتغدى الا الساعه 3 ولا 5
>>لا والغدي رز ابيض مسلوق وسلطه <<< تحافظ على الرشاقه يا شباب
>>الحرشه تتغدا الساعه 12 بالضبط ولا تغدا الا كممنوعي مع الجرجير والا
>>بازين بالفول المجروش ( زي الدعايه متاع ليبيا ) وبعد هذاكا الغدي
>>تطلع منها هاذيكا التقريعه تقول جمل بحداك
>>الناعمه.. طلعتها تكون من بعد صلاة المغرب<<< ما تطلعش في العصر
>>يااااااااااي تحافظ على البشره شميسه
>>الحرشه.. تطلع الساعه2 القايله وتدقها كعااااااااااابي لحوش خوالها
>>لين تولي عبيده علي سمار
>>الناعمه..تمشي لزرقاء اليمامه ومحلات قرقارش وبن عاشور وطبعا حاطه علي
>>وجهه مكياج العشيه
>>الحرشه .. تمشي للسوق المجمع والا الجمعيه بيش تلقى الحرش اللي زيها
>>وتلقن معاهم
>>الناعمه.. كان تطلعت تطلع مع يارا ولارا ورولا ومايا وغيرهم
>>الحرشه .. تطلع مع بنات خالاتها مانبيش نقول أسماء بيش مانغلط في حد (
>>البناويت فيسع مايحرجوا )
>>الناعمه..كان شافت واحد حلووووووووو لابس صح وماركات وحركات ومداير
>>صنه ومحد قده قالت ..يااااااااااااااااااااي
>>عاد البنت اعجبها الشاب اللطيف الأمور هذا ومادابيها تتعرف عليه
>>بالذات كان مداير روحا فايتها
>>متلا ادفا بكتفها وتقولا اووووووووووه سوري ( مش سوريه يا مناجيه أسف
>>بالانجليزي )
>>ويرد عليها .. لا عادي على شني الاسف عيوني وتبتسم الابتسامه اللي شقت
>>وجهها وطبعا بتاكله بعيونها ياعيني أمور
>>
>>الحرشه ..
>>تحط في هالعيون الكحل وتلبس مش عارف شني تطلع هيا والكوبيا متاعها
>>للسوق المجمع والا باب الحريه
>>عاد الحرشه يخطم من بحداها واحد لابس برنوص راكب في فولفو والا دتسن
>>قديمه ويطيحلها تسطريب ويقرب بحداها وشويه كليمات
>>وهي تفنص فيه تفنيصه لين وججها يولي عباره عن زوز عيون وهوا ميت في
>>دباديبها
>>الناعمه .. كان خطم عليها واحد متاع حوايز قالت أوووووووف شني هالصنه
>>هذي ... تقول شايفه زقرلوا
>>الحرشه .. اذا خطم عليها واحد لا بس سوريه ضييييييييييييييييييقه
>>وسروال ضيييييييييييييييق
>>وقالها يا حلوة عطنى وجه قالت... درق وجهك للنحيهولك
>>قال..خيرك عصبيه
>>قالت تي والله يا فرخ كان ماتمشيش توا انسيك في اسمك واسم عيلتك ( هذا
>>ماناقص الحلوين بدوا يتكلموا )
>>هوا بيدير روحا راجل ويقوللها اني مانبيش نغلط فيك احترمي نفسك
>>انتي زي اختي معتبرك
>>تي برا وانتا زي البنت
>>الناعمه.. لما تضحك هههههههه يادوب تسمعها من النعومه
>>الحرشه ..كان ضحكت هع هع هع هع هع ...تقول طراطوري خطم بحداك
>>لا وخليك كان تبي تبصر علي خوها تعطيه واحد رياحي يطرش
>>الناعمه..ماتسمعش أغاني عربي كيف عاد كلهم كشخ تسمع ريكي مارتن أمور
>>وممثلها المفضل .. توم كروز وميل جبسون وجيم كاري لخفة دمهم واحلى
>>ممثله عندها جوليا روبرتس>>
>>الحرشه ..تسمع شعبان عبد الرحيم وعدويه
>>الناعمه..لما تتفرج على التلفزيون تقعمز على الكرسي الهزاز وتحط رجل
>>على رجل وتبتسم لان الابتسامه تضفي بشاشه على الوجه
>>الحرشه .. لما تبي تتفرج .. تقعمز لوطا وتحط المخده وراها ووحده من
>>كرعيها عالتلفزيون
>>ولما تمل من المحطه اللي تتفرج عليها تغيرها بصبع رجلها الحرشه
>>الناعمه أحلام اليقضه متاعها مايجوش الا في الحديقه وهيا مقعمزه
>>عالدرجيحه
>>الحرشه ..ماتحلمش

مشكور خوي علي الموضوع الحلو والصراحه عجبني هلبه ونسخته في جهازي

بصراحه عجبتني البنت الحرشه الحق حق اما عليها شخصيه :ijlkklkl;uytre

مشكور القصة حلوة وهى هكى الدنيا فى فوق وفى تحت فى حرشة وفى ناعمة بس سؤال لوانا او اي شاب حب يتزوج هل يختار الناعمة او يختار الحرشة؟                                                                               انا شخصيا اكيد نختار الحرشة لان الحرشة ممكن اتنعمها لكن الناعمة مش مكن اتحرشها

ههههههههههههههههههههههه

موضوع حلو هلبا

السلام عليكم
اسمحلى اخى الكريم ان ارد على موضوعك واقلك شى افهمه يمكن غايب عليك اول شى المراءه مخلوق جميل جدا وحساس ورقيق يجب ان نعامله بحنيه ومحبه وود تعرف ليش اخى لان المراءه هى الام والاخت والصديقه والرفيقه والزوجه والحبيبه والتى اوصفتها بالحرشه والناعمه ومع احترامى لك مافيش ناعمه وحرشه فيه بنت متربيه وبنت عيله وناس وخلوقه ومؤدبه تستحى تنظر لها وحتى لو كلمتها بكل ادب واحترام وفيه بنت ساقطه قليلة اصل وووووووووووووووو ياترى امك وجدتك من اى نوع حرش والا ناعمات لو كنت متزوج او عندك اخوات هل هم من الحرش او النعامات اذا كن من الناعمات هل ترضى الى زوجتك واختك ان تقف امام المرأة وتضع مكياج وتتبرج وتلبس ملابس فاضحه وضيقه وتخرج للشارع وتبتسم الى الشباب وتضرب باكتافها الشباب حتى تقولى لهم سورى بالانجليزى او زوجتك تفعل هدا الى اخرررررررررررررررررررررررررررررره
اما الحرشه مافيش الان بنت حرشه فيه البنت البدويه التى تربت على الاخلاق والدين احترامها لنفسها قبل ان يحترمها الغير وسعيها الى ارضا ربها ووالديها ووووووووووووووووووووووووووووو
طبعا مع احترامى الشديد الى كل بنت متربيه وبنت عليه وناس وخلوقه وطيبه وحنونه الى كل زوجه حافظة بيتها واولادها وزوجها الى كل ام افنت عمرها بتربية اولادها وضحت وكافحت
ولكم منى الاحترام والتحايا

السلام عليكم
اسمحلى اخى الكريم ان ارد على موضوعك واقلك شى افهمه يمكن غايب عليك اول شى المراءه مخلوق جميل جدا وحساس ورقيق يجب ان نعامله بحنيه ومحبه وود تعرف ليش اخى لان المراءه هى الام والاخت والصديقه والرفيقه والزوجه والحبيبه والتى اوصفتها بالحرشه والناعمه ومع احترامى لك مافيش ناعمه وحرشه فيه بنت متربيه وبنت عيله وناس وخلوقه ومؤدبه تستحى تنظر لها وحتى لو كلمتها بكل ادب واحترام وفيه بنت ساقطه قليلة اصل وووووووووووووووو ياترى امك وجدتك من اى نوع حرش والا ناعمات لو كنت متزوج او عندك اخوات هل هم من الحرش او النعامات اذا كن من الناعمات هل ترضى الى زوجتك واختك ان تقف امام المرأة وتضع مكياج وتتبرج وتلبس ملابس فاضحه وضيقه وتخرج للشارع وتبتسم الى الشباب وتضرب باكتافها الشباب حتى تقولى لهم سورى بالانجليزى او زوجتك تفعل هدا الى اخرررررررررررررررررررررررررررررره
اما الحرشه مافيش الان بنت حرشه فيه البنت البدويه التى تربت على الاخلاق والدين احترامها لنفسها قبل ان يحترمها الغير وسعيها الى ارضا ربها ووالديها ووووووووووووووووووووووووووووو
طبعا مع احترامى الشديد الى كل بنت متربيه وبنت عليه وناس وخلوقه وطيبه وحنونه الى كل زوجه حافظة بيتها واولادها وزوجها الى كل ام افنت عمرها بتربية اولادها وضحت وكافحت
ولكم منى الاحترام والتحايا[/b][/b]

البنت الحرشه مليحه بس النعومه مطلوبه

هل تعرف علاش هذا الفرق

حاجة وحدة بس

الmoney

يا حويج

كان الحرشة تحصل تو تبدا دلع اكتر من الدلوعة

هى هكى

مشقوورر

الصراحة والحقيقة انا عجبتني الحرشة لانها تعبر على البنت الليبية اما الناعمة فتمتل البنت اللبنانية وطبعا الدلاع هلبا مش باهي

من الاخير الليبية معضمهم حرش و قليل النعمات

والله بنات بلدى زى الفل تقبل مرورى

حلوة القصة تسلم يا خوى

حلوة حلوة حلوة القصة وياشباب ماتاخدوش القصة جديات هى مجرد تغييرة جو ووماتحكيش على الواقع ابدا لانى انا بنضري ان لا يوجد بنت حرشة وبنت ناعمة يوجد بنت محترمة وبنت الله الله لكن الموضوع مرة يضحك وسلم القلم اللى كتبه مشكوووووووووووووووووووووووووور تقبل تحياتى وفى انتظار المزيد