شعر علي الكندره الطائره.................

رد الكفاء يابوش علي درته ...اليوم العراقي تشكرك كندرته
يشكـــــــــــــرك سبّاطــــــــــــــــــــــــه ..... خساره حنيــت الـراس وجهــك خاطــى

و يـا خسـارة الشيبـات و القـرواطــــــه ..... منظـر وقـع مـن راه مــن قرقرتـــــــه

امّالـه انكانـه جـوك فـي فرقاطــــــــه ..... باللـه شـن بتزيــد ع اللــي درتـــــــــه

سبـّاط صحفـي دارلــك رغّاطـــــــــــه ..... رماك يا مهيمن ع الـدول في خرتــه

ثريـت بـوش نـص دمايتــه روزاطــه ..... مـداس طايـره راهـا حنـى زنقـرتـــــه

موالـف عليهـا واخـذ استحيـاطــــــه ..... قــداش بيهــا شايطاتــــه مرتـــــــــه



هـــــــــــــــــــداك هديــــــــــــــــه ..... علــى قيـــس قــدرك قـدر تاخـذ زيـــه

و يـا ريتهـا كانــت ذخيــره حيــــــــه ..... تشيلــك مـع اللــي شايفينــــك زرتــه

خروفك اللي مـا غيـر صـوف و ليـــه ..... بعانـة المولـى نحظـروا مجزرتـــــــــه

هــذي مداس ما هي قنبلــه ذريـــه ..... اللـي الـراس منهـا يا دعــي دنقرتـــه

عليــك الخلايـق يضحكـوا جمليـــــه ..... يـا مضحكـة لعــلام يـــا مسخرتــــــــه



رينــــــا العــــــــــــــــــــــــــــــرض ..... مـداس مـن صحافـي شمماتـك لـرض

حتـى انكان ماصابتش صابـت غـرض ..... و تظـل فـي التاريـخ مـن مفخرتـــــــه

صناديدنـــا مـا ينشـروا بـي قـــــرض ..... و لا يرهبــوا سلاحـك ليــا طوّرتـــــــه

فـدا دينهـم و ترابهـم و العـــــــــرض ..... لـرواح و الضنـا ترخـص و هـاك نظرتـه

فــارس يجلي فـي النكـد و المــرض ..... رفـع روسنـا و انـت الـراس حدرتــــــه

حتى انكان مات الموت راهي فــرض ..... شهيـد حـر بـدل دنيتــه بآخرتـــــــــــه




:uii: :uii: :uii:

شكر على شعر جميل

لكن الحق تمنيتها جيت فى وجه

لكن اهم حاجه الاهانه لي تعرضله بوش

مشكورة

ههههههههههههههههه يستاهل

:yututyewrew: صحيتي اختي اريج علي ردك ......................... انت شكلك جديده

شكر على شعر جميل

والله تمنيتها ما بين خشومه وعيونه


مشكورة ع الشعر يا بنت البلاد

مشكوووووووووووووووووووووووورة هلبة عالشعر الجميل وكان عندك شعر تاني مادابينا تحياتى لك