تلاتيات ليبية

كوميديا الشارع الليبي لو تتجسد في الجانب العملي ستكون الأفضل لكن هـــــات من يفهم المهم أنخليكم مع هدا الإبداع :

ما تستغربش منهم في ليبيا : واحد قاص السريع على رجليه..... وواحد يسوق في الاتجاه العكسي ..... وواحد طالع في الاحمر ..

ثلاثة كان مشوا تتمنى ما عادش يولوا : الفقر ..والمرض.. والبنت كان تزوجت .

ثلاثة تتمنى ما تصبحش فيهم : سواق افيكو مستعجل....وطابور طويل في الشيل.... والمدير المتعارك مع مرته


ثلاثة تسبب الإحباط : الواسطة ... و الديون ... والمنتخب الليبي .

ثلاثة صعب نتخلى عنها : الماء...والهواء...والبازين .

ثلاثة محتاجات واسطة : البعثات..والشقق...وأى مصلحة إدارية تبي تقضيها..

ثلاثة يرفعوا الضغط : الملح..وزحمة المرور..والعيل كان عشش ..

ثلاثة ياكلوا في لحوم البشر: الحيوانات المفترسة....والبزناسة الكبار ... وجماعة القرمة كان شبعوا . ...

تلاثة لازم نتخلى عليهم : التفنيص.. والتلقيح....واللُّـقني وقت العمل ....

ثلاثة ما يرقدوش الليل : المديون.. والخانب.. وواحد نايضة عليه السوسة ..

ثلاثة شبه اختفوا من ليبيا : الدلاع الطويل.. واحترام الشيابين ....والفراشية ..

ثلاثة ما تحسش بطعمتهم الا في ليبيا : امبكبة على الحطب....وبورديم.....وشاهي العاله..

ثلاثة ربي يفكك منهم : مجاري مفتوحة......وكلب مطلوق .....والرشادة الطايشة ..

ثلاثة ما ليهمش معنى إلا في ليبيا : العسلوز.. والزميطة.. والعصبان ...

ثلاثة لا تستخدم إلا في ليبيا : الحمّاس..والكانون..والمغرف..

ثلاثة تسبب الإحباط : الواسطة ... و الديون ... والمنتخب الليبي


هههههههههههههههه


تهبل حلوة منك


مشكور ع الموضوع الاكتر من رائع

منورة هلبة ع المرور الخفيف ياربي مايحرمنا من ردودك ياصقع

ولا يحرمنى من مواضيعك المفيدة