ديرولي عالعين حجاب الليبية اتقول

عَالعِين حجَابْ
..
ماِزلتْ شبَابْ
..
ونِفْهِم فِي لِملأ ولَحْسَاب
ْودِيرولِي
..

ماِزلتْ صغِيرَه
..
ونِفْهِم حتّى إفْصَرف الليّرهبنَادِمْ .. عَقلَه فِي تدبِيرَهلا فِي دِسْكَهْ .. ولا فِي كتَابْوزِين بنَادِمْ حُسن السِيرَه لاحجَاب مقَور لا شنَابْ
..
وحُبّ المَالْ ذهَابْ الشِيرَه ولِمحَبّه تكثّر لَصحَابْ
..
ودِيرولِي
..
عَالعِين حجَابْ ماِزلتْ شبَابْ ونِفْهِ لِملأ ولحسَابْ ودِيرولِي
..

وماِزلتْ رزِينَه
..
وماِزلتْ حكِيمَه وفطِينَه
..
نِفْهِم اللي يلُوعبْ عِينه و الطمّاع و الخِنّابْ ..واللي نَاوي يدِير الشِينَه اللّلاَ دارتلَه كِتّابْ
..
تخطّطْ وتلَهلِق ..
مِسكينَه تي رزق الدِنيا راهو سرابْ
ودِيرولِي
..
عَالعِين حجَابْ ماِزلت شبَابْ ونِفْهِم لِملأ ولحسَابْ ودِيرولِي
..

نصُونْ قرِيشَاتِي ..لِين خيَار الوقتْ يواتِي
..
ما أندقْدِقْهُم غِير كوَاتِي وإمّاكينْ مغير حسَابْ
وهَاتِي وخُوذي وخوذي وهَاتِي صرفْ هبَالْ بدونْ أسبَابْ
واللي مَا يخَمّم عَالآتي يا قعَادَه متوسِّدْ لعتَابْ
ودِيرولِي
..
عَالعِين حجَابْ ماِزلتْ شبَابْ ونِفْهِ لِملأ ولحسَابْ
ودِيرولِي
..

وماِزلتْ نوَرِّي .وماِزلتْ نعلّم ونقرِّي وما نخَطّط حَاجه فِي سِرِّي إلاّ ما نبَرمِجهَا صوَابْ .مِشْ زَيّ اللي شَر إتدرِّي
..
لاَ تخلّي بعَادْ ولا قرَابْ إفْحالي .. شَادّه خِيري وشَرِّي لا أنقطّعْ .. لا أندير نشَابْ
..
ودِيرولِي
..
عَالعِين حجَابْ ماِزلتْ شبَابْ ونِفْهِم فِي لِملأ ولحسَابْ ودِيرولِي
..

ومازال إحسَاسِي
..
حتّى وشِيبِي مَالِي رَاسِي
..
نراجِي فِي وليفِي وونّاسِي
..
يطُقّ البَابْ .. نقولْ خُطَّابْ
..
كُلْ يُوم نتكّم ونوَاسِي بَالِك تتفتّح لِبوَابْ ويتبدِّد هَمّي ووسوَاسِي يا رَبّ تقرّب لحبَابْ
ودِيرولِي
..
عَالعِين حجَابْ ماِزلتْ شبَابْ ونِفْهِم لِملأ ولحسَابْ
وديرولِي
..