قصيدة ما زال عندى امل.....

موضوع: قصيدة ما زال عندى امل..... 2010-09-22, 10:29 am

مازال عندي أمل ,, في وجه الكريم العالي

وكيف الجبال أنحَمَل ,, على الهمّ واسع بالي

**

مازال نقدر نصبر ,, وبمركبي بحر المصاعب نعبر

مازلت مهما أكبرت نعرف نخبر ,, درب الحياة فيما مضى والتالي

**

مازلت ما ننهزّ ,, ومازال في نفسي شموخ وعزّ

ولا أندير شينه فـ الكنين أتحزّ ,, ولا أنضيف ناس أبخال ما تابالي

**

مازلت ثاقب نظره ,, في دنيتي والناس عندي خبره

مازلت كيف اليوم وأمس وبكره ,, جوّال نرحل كيف ما يحلالي

**

مازلت كيف زمان ,, عاشق وهايم بالغلاء ولهان

حتى ونا عايش بدون حنان ,, بعكس البشر لاني غلاء لا غالي

**

مالت صاحّ صحيح ,, ومازلت بيدي نتّقي وأنطيح

ومازال نوقف في مهبّ الريح ,, وما أتضرني خونة أحدود آمالي

**

ومازلت ما ننهاس ,, ومازلت واثق صلب كيف الناس

ومازلت نذّوّق وعندي أحساس ,, ولا أندير ثوبي م الرقيع البالي

**

مازال عزمي زين ,, وعندي محنّة ع العرب لخرين

لكن اللي ماهو أمداد العين ,, ما نقربه لاجل إيردّي حالي

**

مازال زاهي لونه ,, ومازال عقلي ما نقص قانونه

كيف العسل بالسمّ شارب خونه ,, وتحاين أعروقه كيف قبل وتالي

للشاعر : فتح الله بوعوينة

تانكس حلووووووووووووووووووووووووووووووة هلبا

مبدع في انتقاء كلماتك كالعادة

والهى انتى من الاخر بارك يا نوارة المنتدى

لا اني وياك نوارين المنتدى

ميرسي كلك ذووووووووووووووووووووووووق

تانكس