شعر قولولها رائع..........>>>>

موضوع: شعر قولولها رائع..........>>>> 2011-01-23, 5:55 pm

هذا الشعر الرائع للشاعر الليبي::
صالح بو عياد>>>
علي الدنيا...........

قولولـهـا تبـعـث معـاذيـرهـا ---------- كثرن أمواجعها وكثـرن اعذارهـا

وفي كم طعنة غدر مـن خناجيرهـا ---------- طلبت الدواء ع الجرح حطت ابزارها

قولولهـا شاهـد الله وضميـرهـا ---------- علي صلحنا وشهدوا أمعاي اكبارها

قولولها ما حلفـت ماعـاد انديرهـا ---------- وليش أطعنتني قبل يطلـع نهارهـا

قولولهـا مليـان كـثـر خيـرهـا ---------- فـي بـاذره بيمينهـا ويسـارهـا

أمواجع انهلب هذي واتجي غيرهـا ---------- ما ف المواجـع موجعـه نختارهـا

قولولها اللي اهناك فـي مطاميرهـا ---------- اللي ميرتهـا لـي سـاع تمتارهـا

قولولها ما نصـح نبقـى عشيرهـا ---------- عشرة نكد فالريق عاقد امرارهـا

قولولها من تو خاطـي مصاديرهـا ---------- يغنينـي الله علـي مويـة ابيارهـا

قولولهـا شـن معنـى تفاسيرهـا ---------- ردت علي جـواب جيـب أبذارهـا

قولولهـا مـازال ذاهـب خبيرهـا ---------- وعليها كـذب تقازهـا و شبارهـا

قولولها مالوقـت تأخـذ محاذيرهـا ---------- راه كـل دار امصـادرتـا دارهــا

قولولـهـا يقـطـع الله تدبيـرهـا ---------- وذاهبـة انكـان أمتبعـه دبـارهـا

قولولها في شـئ واجـد ايعيرهـا ---------- كسر الخواطر راه واعـر اجبارهـا

قولولها الأعذار حسـرت زكاكيرهـا ---------- وطاح من وجه الحقيقـة اخمارهـا

قولولها خلاص عرفت جملة تفاكيرها ---------- قولولها خلاص عرفت لعبة إقمارهـا

قولولها قريت السر فـي مناشيرهـا ---------- قولولهـا حليـت عقـدة اسرارهـا

قولولها لاي طيري ولانـي طيرهـا ---------- لا انحطت أنحط ولا انطير بمطارهـا

قولولها كـي اتريدنـي نشتشيرهـا ---------- وهي ما عليّ اترد فيهـن أشوارهـا

قولولها قـزون نحـرق خضيرهـا ---------- كيف ما تريد تحرق خضيري بنارها

قولولهـا مـنـي الله لا ايثيـرهـا ---------- اللي زارعتـه فـيّ تأكـل أثمارهـا

قولولهـا مليـت مـن جراجيرهـا ---------- يـوم لمواجعهـا ويـوم لمسارهـا

قولولها من السدر يخلص حريرهـا ---------- ولا عاد بنيت ابيوت قابل عمارهـا

قولولها

مازال عندي صبر ومازلت نكمى فى امواج غبر
ومازلت للياسات حافر قبر لكبار الكواين واتيين اوتاء
ومازال عندي كسر يبي جبر لكسر الخواطر مالقيت دواء
ومازلت ناخد من حياتي عبر بين الجفاء وهم ومعاناء.

مازال عندي مده.......ومازال نشبح من عذاب وشدة
ومازال حتي الصبر فايت حده....وفي ما مضا ماريت يوم زها
واللي شاده حبل الوفا بنشده.......ونرخيه حبله كان هو رخا

قولوها
اطمني ********سهمك صدف********** صاب الهدف
كنك علي عزم القوي اهو **انكسر مجبور بالغلبة اعتراف
و كنك علي قلبي العتي اهو* أنذل من كاس مسموم اغترف
و كنك علي معي العصي اهو نزل من جفن ما عمره ذرف
و قولوها

قولولها طز فيها طز
واتهون عندى لو انهون عليها
ولــو ناويه لفراق ما نبيها
حتى ولو كانت علــى اتعز
ننسى غلاها ونطمسه ما ضيها
مـــوال وانعده خلاص انحز
ولو كان فى لحضه خطر ما ضيها
م العقل كل اللى خـطرلى انلز
عزمــى قوى العين ما نبكيها
ولو طحت نقدر من جديد انفز
قولولها

قولولها وانت معهم
صلوا علي.......
صلوا علي صلاة جنازه مادام تمى في قديم عند عازه هي خيرلي
وتـــولي قــــــبر فــــي الجبـــنــــــه
مـــــادام فارق طـــــويل جمامـــــه
وماني عرف ليش اخلي قديم مكانـــه
لطـــــت اقاسم ولله الياس جا قدامه
واليوم اصعب علي القـــلب نسيانــــه