رجال ماتجرب فعلها تجهلها

رجْال ما تْجرَّب فعلها تجهلها

ما يْجوز حكم عليها

صناديق مقفوله على ما فيها

صيَّورك تْجرَّبْ كلمتي وتْجيها

وتلقاها ذهب هلِّلي تْظنّ سفيها

صناديق ما تعرف اللي داخلها

كان غير تعرف شيّ عن ماضيها

قديم مثل عايش سيرته مَطولها

وتلقى أحكامك خطأ وتْعدلها

وتطلع نْحاس اللِّي مْحابي هلها

الناس أصلها مْحتوم من باريها

ما هيش طول وعرض تعجب بيها

ولا من بْضاعه حاجتك تشريها

الرجال كنز والرابح اللِّي يْخاويها

رْجال قبل ما تعرفها

نْوصِّيك ما تحكم على موقفها

فيه ناس بيتيَّه تْصون شرفها

إن غابت كْنوز الأرض ما تخلفها

وناس نْتحشِّم كيف بِنوصفها

الرجال ماي جهامه

ولا حْساب مصرف عاليات أرقامه

ولا هي مظاهر فخفخه وفخامه

ولا هي عْبي سمحه وكبر عْمامه

ولا هي بْقرواطه تْطول القامه

ولاهي بْسيَّارات آخر فامه

ولاهي بْكسب ناقه ولا مْرح أغنامه

ولا نخيل يجني كل عام بْعامه

ولا بْنظر قاصر ما يْفوت أقدامه

الرجال عقل راجح يحسبوه كلامه

الرجال يفزعوا لْنجدة اللِّي منضامه

الرجال جود فعل يْشرهبوا عزَّامه

مرفوع راس عالي شان فوق مقامه

إن جيت قاصده يْدلِّل علي اهْتمامه

عَ الغير ديما فارضه احترامه

الواحد يْدير العاقبه قدَّامه

يْحسب أصحابه وعيلته وأعمامه

عليهم أولادك زغرتي يا مامه

خليط من معادن واجده تشملها

ولاهي مناظر واجهةْ تجعلها

تدفع ثمنها كاش وتْحمِّلها

الرجال فعلها يْدلَِّك على منسلها

رانك بْسرعه تْزل وتْصنََّفها

لين الحقيقه الصادقه توصلها

على أصلها يْدلََّك اللِّي عاملها

أجواد جود ذايع في الأوطان عللها

ستين فعل كَيّ إن كان بنعدَّلها

ولا لبس فاخر غاليات أسوامه

أصحاب الأموال اليوم جاء فوَّلها

ولا قصر عالي بانيه منزلها

ولا غطرسه عَ اللِّي وصل قابلها

ولاهي بدالي مْفصَّله لمهلها

ولاهي بْمراتب عاليه تشغلها

ويبخل عليها بالزكاة يغسلها

ومربوعته عَ الضيف طال أجلها

ولا نْظنّ يعرف عيلته بكملها

ومْعي الحق كلمة ظلم ما تقبلها

الرجال كل كربه فاكِّين وحلها

الواحد إن طلعت كلمته يفعلها

النفس غالطه ومُحال ينطاعلها

بالنفس العزيزه حاجتك تسألها

منازل تْحشَّم هله ما ينزلها

مبادي ضنا لجواد ما يهملها

أفعاله جميع الناس ترتاحلها

أيَّامك فخر وأمجاد يا مجملها

مشكورة