قول اشحالك

قــــول اشحـــالــك


ياعزيز ماظنى خطاء درنالك * * * * حتى امجامله رحب وقول اشحالك
سلامى ردا...
وان كان لك عتب واتى علينا عدا
وان كان لك سبايب فى خراب امسدا * * * الله والنبى عنى سوق ارحالك
القيتنى ارهيف قلب ماانتحدا * * * * فيك الهلا والع وهن اسرار جمالك
امعاهن سرحت اسروح للى مدا * * * * وقول خاطرى نادر قليل امثالك
وقول خاطرى والعقل باعد مدا * * * * وعدن معاييرك وصاغ مقالك
معيارك ذهب زينك الزين تعدا * * * * وان شاورتنى نرجاء بزوغ اهلالك
ماخطاء فى ظنى ...
درنا معاكم ياعزاز تعنى
ولا طاف فى فكرى اعيوب ايجنى * * * * منك ونا مادرت ولا نرضالك
ايجنك مواجع عـــ السمع مو منى * * * * راجع احسابك قبل ما نسوالك
عزيز نفس ولي زين العزاز انغنى * * * * وما نيش كيف من طرف الحرير لوالك
ومانى قليل عرف ويجارنى * * * * دروب العوج ولقيت من يفتالك
لاخطاء لاعيبه...
ولافى طرفكم نقبلو العطيبه
وان كان لك عتب واتى علينا جيبه * * * * ولا اتجيب خراب الغلا يسعالك
مساعى بناهن عــ الصفاء والطيبه * * * * نضيفة وهن مثيل بـ ليالى عابرا رسالك
كيف من ايبيت فى ذرا زريبه * * * * هديم جرهم خايف الساع يبقالك
وكيف من عدوا جاب ايريد طبيبه * * * * ايريد الشفاء وانت اتريد منالك
وان كان تنهدا درب العداوا سيبه * * * * ويدك الليمنة مدها ان شالك
قول اشحالك ياعزيز ماظنى خطاء درنالك...حتى امجامله رحب وقول اشحالك

ممتاز يا صديقي تسلم ياغالي والله حلوات الرسائل تسلم ايدك